იოსებ ნონეშვილი - ბაღნარი

იცით დედა საქართველოს

ბაღნარს რატომ ეძახიან? - 

ყველაგან ლაღად მოშრიალე

ბაღია და ვენახია.

ახალგაზრდა ქალ-ვაჟები

ასე თავს რომ ევლებიან,

ბაღ-ბოსტანით, ბაღჩა-ბაღით

მოქარგული ველებია.

ერთი ასად მოგეზღვება,

თუკი კარგად გაირჯები

ტოტებს, ყვითლად დახუნძლულებს,

გვთავაზობენ ნარინჯები.

ყველაგან ლაღად მოშრიალე

ბაღია და ვენახია...

აი, დედა-საქართველოს

ბაღნარს რატომ ეძახიან.