მორის ფოცხიშვილი - ჰერიო, ბიჭებო!

კაცი ქართველი თუ არის,

იტყვის ვით მგზავრი გზაზედა,

სამშობლო როგორც უფალი,

ერთია ქვეყანაზედა.

ჰერიო, ბიჭებო, ჰერიო!

არ გავახაროთ მტერიო!

ისმოდეს საქართველოში,

სიმღერა საივერიო.

გზები ერთმანეთს კვეთავენ,

დაჭიმული გვაქვს მშვილდები,

ნუ მივატოვებთ ერთმანეთს,

როცა ერთმანეთს ვჭირდებით.

ჰერიო, ბიჭებო, ჰერიო!

თქვენ ააყვავეთ ერიო,

ისმოდეს საქართველოში,

სიმღერა საივერიო.