გივი ძნელაძე - ჩვენი აღნაგი საქართველო!..

ჩვენი აღნაგი საქართველო

ასად გახლიჩეს -

თვალნი დათხარეს,

გულში დაჭრეს,

დაასახიჩრეს...

განძარცვეს ხორცით,

ხერხემალში მოარკალოვეს,

სისხლში მოთხვარეს,

მოთხარეს და მოაკალოვეს!..

... - სული ვერ მოკლეს, -

ღმერთმოსილი ქართული სული,

ოდენ ხორცით არს

ჯვარს გაკრული

და მილურსმნული!..

... სულსა უკვდავსა

ხორცს შეასხამს მაღალი ღმერთი, -

ჩვენი აღნაგი საქართველო

აღსდგება მკვდრეთით!..