ფეხმძიმობა
|
გზა გამარჯვების! ფერადები ცას შელეკია, ცას შელეკია ფერადები ცეცხლის როფების... ნუ დაგიმონებს მოგონება, ნურც ელეგია, ყრუ ელეგია განშორება-დამშვიდობების! ქარიშხლის ნავზე, ქარიშხლის ნავზე ყველაფერი თრთის მონდომებით, სხვა გრძნობებისთვის იმოსება ბუნება სავსე, ბუნება სავსე განშორება-დამშვიდობებით. ჩვენთანაა, ვით ძველისძველი, ვით ძველისძველი მეგობარი, მომსწრე ომების. მას განუცდია და წარშლია მრავალი წელი, მრავალი წელი განშორება-დამშვიდობების! კავკასიის დაჰფარა ქედი, დაჰფარა ქედი... ნუ შეკრთები ამაოებით: რაც დედამიწა გაჩენილა - სავსეა ბედი, სავსეა ბედი განშორება-დამშვიდობებით. დაიცავი შენი ქვეყანა, შენი ქვეყანა გევედრება დიდის ვედრებით: კვლავ შეგვახვედრებს გამარჯვების ახალი ხანა - ახალი ხანა აღტაცებით და შეხვედრებით! |
პოეზიის გვერდი • • •  • • • გალაკტიონ ტაბიძის პოეზია |
