მარიკა ბარათაშვილი - ნატვრა

ყველა გულში ჩავიტიე - 

ლიხს იქით და აქეთი:

ჩემი ქართლი, იმერეთი,

გურია და კახეთი.

სიყვარული დამყოლია

რაჭა-ლეჩხუმ სვანეთის,

აჭარის და სამეგრელოს

და აჭარას რაც ერთვის...

მიყვარს თუშ-ფშავ-ხევსურეთი,

ვეტრფი მესხეთ-ჯავახეთს,

შემომცინებს აფხაზეთი, -

ფიქრის თვალს რომ გავახელ...

ვიყო მათი სანაცვლო და

ვიყო მათი სანთელი,

შემრჩენოდეს ყველა თავის

საქმითა და სათქმელით.

ღმერთო, მერე აღარც მევლოს,

გინდა ერთ დღეს დამკალი!

მოუმრავლე საქართველოს,

ბუხარი და აკვანი!