იოსებ გრიშაშვილი - ანბანის სიმღერა

განა ჩვენ არ შეგვიძლია 

გავაკეთოთ წრე და განი 

და ვიცეკვოთ ასოებით 

ლასი, დონი, ვინი, განი?

ეს ციფრები - თაგვებია, 

და ანი კი ვითომ კატა, 

არ შეუშვათ! შეხე... შეხე... 

სირბილს როგორ მოუმატა.

ხელი მაგრად დავიჭიროთ, 

რომ არ გაწყდეს ჩვენი რკალი; 

თორემ კატა თუ შევუშვით - 

ვაი, მაშინ თაგვის ბრალი!

ბიჭოს! ონმა ჩაიჩოქა, 

საწყალს ფეხმა უღალატა. 

შინი ჰყვირის: „ჩქარა ხელი! 

თორემ წრეში შევა კატა“.

ანი ონზე გადახტება,

ნოლს დაიჭერს მოცინარი

და პირღია დარჩებიან:

პარი, ზენი, ბანი, ნარი.