მე ვადიდებ სასვენ ნიშნებს, ვიცი მათი ფასი… წერტილიდან წერტილამდე ძლივს მიმქონდა აზრი.
და ბოროტად არასოდეს ვიყენებდი მძიმეს.
და მძიმესაც ვერ დავწერდი, წერტილ-მძიმეს ვწერდი.
მწერებივით მაქეზებდნენ დეფიზი და ტირე.
ბეწვზე გადავურჩენივარ ერთგულ მრავალწერტილს.
ხან ორ წერტილს ვეძახოდი, ხან - ძახილის ნიშანს…
თუმცა ზოგან სასვენ ნიშნებს აღარ სცემენ პატივს.
ზოგი ზოგჯერ გაიხსენებს, ზოგი სულაც არ წერს.
სიტყვებს ვეძებ, რომ ჩავწერო სასვენ ნიშნებს შორის. |
ლექსები დედა ენაზე • • • • • • ვახტანგ ჯავახაძის პოეზია |