მზია ჩხეტიანი - საახალწლო კარნავალი

საახალწლო ლამაზ ზღაპარს

ქსოვს ზამთარი ბებერი,

დატრიალებს თოვლის პაპა,

როგორც მეკვლეს შეჰფერის.

აბა, განი,

აბა, ტაში!

გული ლხენით ივსება

საახალწლო კარნავალი,

გააჩაღეს ფიფქებმა.

ვაჟი ოქროსქოჩოიანი -

წელიწადი ახალი

ოქროს ეტლით მოგრიალდა,

მთა და ბარი დაჰხარის.

ნაძვის ხეებს დაურბინა,

ასფრად ააჩახჩახა,

მხიარული, სალაღობო

სიმღერებიც დასძახა.

მოფარფატე ფანტელები

თეთრად შემოგვაშუქა,

კარგი გოგო,

კარგი ბიჭი,

ყველა დაგვისაჩუქრა.