ახალი წლიდან მაღალი, წმინდა ოცნება უძღვის საქმეს კეთილსა, გაჩენის დღიდან ამგვარად გვზრდიდა მამის საღვინე, თაფლი დედისა.
თვალსა და ხელში შემომყურენი... და აწვეთებენ სიტკბოს ულეველს პატარა სახლის კედელ-ყურენი.
დამდეგსაც დახვდეს სუფრა გაშლილი. ახალი წელი შორით ნამგზავრი ტკბილეულს ელის სტუმარ ბავშვივით.
- აგვივსო კალთა კაცის ნაშრომმა! ხონჩით-ხონჩაზე სავსე ხვავითაც დასტური უთქვამს მრავალ ვაშლოვანს.
კვლავ მეტს დაისხამს ოქროს ტაროსა, მეტი ეშხითაც გულს უძგერია, - მოელოდება სტუმრის დალოცვას საქართველოში ყველა კერია.
... იქნებ მობრძანდე შენც, ჩემო ფიქრის ერთო უფალო, წლების ქროლვისგან გადახრილ სანთელს ხელისგულები შემოუფარო.
და სიჭაბუკე ჩაუქრობელი... ცხრაწყაროს დაღმართს თხილამურებით კიდევ მრავალჯერ ჩავუქროლებდი.
აბა, წრიაპო თუ ძალაყინო. ჩვენმა ზამთარმა ყინვა იმგვარი არ იცის - გული რომ გადაყინოს.
ლხინი შემოჰყვა სიგრძე-განედად, ვხვდებით სახელოდაკაპიწებით შინაც - გარეთაც, შინაც - გარეთაც! |