გივი ჭიჭინაძე - თოვლის სიმღერა

ცა ნაცრისფრად გაცრეცილა,

თოვლი მოდის,

თოვს...

ენძელები ცვივა ციდან,

თოვლი მოდის,

თოვს...

ფანტელ-ფანტელ, ფთილა-ფთილა

თოვლი მოდის,

თოვს...

ხელისგულზე ნაზად, ფრთხილად

ეცემა და

თოვს...

თვალებსა გვჭრის ზამთრის დილა,

თოვლი მოდის,

თოვს...

თოვლის პაპა მოწყენილა,

თოვლში თამაშს გვთხოვს...

- აბა, გუნდა! -

- აბა, ციგა! -

ნუ დავკარგავთ დროს! -

თოვლი მღერის,

თოვლი ცეკვავს,

თოვლი მოდის,

თოვს.