გივი ძნელაძე - ზამთრისპირ

ცა იყურება მწყრომარედ,

ქარი ქირქილებს ვერანი;

ქედზე ღრუბელი მიბობღავს,

მზის აღარ ჩანან ჩქერანი:

აღარცა ჩიტნი მღერიან,

არც ხასხასებენ ველანი:

ტყვიის ფერანი გამხდარან

დღეები - ოქროს ფერანი:

ჭალაში ყინვა ჭიხვინებს -

უჭმელ-უსმელი მერანი:

თოვს და... ბალახნი ჰკვირობენ:

„- რა ფერებია, ე, რანი!..“

...აღარა ჰბოლვენ ბუხრები,

აღარ ჰღვივიან კერანი:

აღარ გაისმის სოფელში

გადამღერ-გადმომღერანი...