შალვა ფორჩხიძე - ხილვა პირველი თოვლისა

ბილიკზე თეთრი ხეები სდუმან,

ციდან ფიფქები ჩამოდის თრთოლვით

მე ხეივანშ მივდივარ ჩუმად

ფოთლებში ელავს პირველი თოვლი.

და მენანება ველები მწვანე,

ცისფერი ცა და ხმა კრუალების,

ტყეში ჩრდილების ჩუმი სავანე, -

საუფლო ლურჯი იდუმალების.

იქ ახლა ფოთლებს აწუხებს სუსხი,

მინდვრებში იის ფერები გაქრა,

მაგრამ ცას მაინც მადლობას ვუხდი, -

ირგვლივ ყველაფერს სინათლე ფარავს.