დოდო აბაშიძე - მასწავლებელი

რა არის ამქვეყნად პატივი ამხელა,

რომ მასწავლებელი გეწოდოს სახელად,

ამ სახელს უწოდეს მსოფლიოს მგოსნებმა,

სინდისი, ნამუსი და პატიოსნება.

და რადგან ამ სახელს ამაყად ატარებ

ეგ ნიშნავს გიყვარს და უყვარხარ პატარებს.

ეგ ნიშნავს უქრობელ კელაპტრად ანთიხარ,

ამქვეყნად სინათლის სიმბოლოდ დადიხარ.

ეგ ნიშნავს - ხელთა გაქვს მომავლის სადავე,

შენიდან იწყება სიცოცხლის სათავე,

ეგ ნიშნავს ყველაფერს დაუშვი ფარდა,

ბავშვებზე ზრუნვის და ოცნების გარდა.

ეგ ნიშნავს - გულში გაქვს მზის სხივის სიცხოვლე

ეგ ნიშნავს - სიკვდილის შემდეგაც იცხოვრებ!