შემოკლებული დაწერა

წერის დროს ხშირად მივმართავთ სიტყვების შემოკლებას.

გავრცელებულია შემდეგი შემოკლებანი:

ა. შ. - ასე შემდეგ (ასე შემდგომ);

ა. წ. - ამა წლის;

ე. ი. - ესე იგი;

ე. წ. - ეგრეთ წოდებული;

იხ. - იხილე;

და სხვ. - და სხვა;

და მისთ. - და მისთანა;

და შემდგ. - და შემდგომი;

ნ. - ნახე;

ნახ. - ნახატი;

შემოკლებით დაწერილი სიტყვა იკითხება სრულად.

სავარჯიშო 1. მოძებნეთ ქართული ენის სახელმძღვანელოში შემოკლებულად დაწერის რამდენიმე შემთხვევა და აღნიშნეთ, სრულად როგორ იკითხება თქვენს მიერ მოძებნილი შემოკლებანი.

სავარჯიშო 2. ნახეთ ქართული ენის სახელმძღვანელოში "შემოკლებანი" და აღნიშნეთ, რის შემოკლებათა ნუსხა და ახსნაა იქ მოცემული. რა არის შემოკლებული და როგორ.

სავარჯიშო 3. გამოარკვიეთ და გაეცით პასუხი, რა გამართლება აქვს სიტყვების შემოკლებულ დაწერას.