სიტყვათა შემოკლებით შეერთება

ხშირია ორი ან მეტი სიტყვის შემოკლებით შეერთება.

სიტყვათა შემოკლებით შეერთება სხვადასხვაგვარია:

1. შემოკლებულია პირველი სიტყვა:

პედინსტიტუტი - პედაგოგიური ინსტიტუტი

პედკაბინეტი - პედაგოგიური კაბინეტი

2. შემოკლებულია ორივე სიტყვა:

რაიკომი - რაიონული კომიტეტი.

3. პირველი სიტყვის ფუძესთან შეერთებულია მომდევნო სიტყვათა თავკიდური ბგერები:

რიონჰესი - რიონის ჰიდროელექტროსადგური.

ენგურჰესი - ენგურის ჰიდროელექტროსადგური.

4. სახელი მიღებულია რამდენიმე სიტყვის თავკიდური ბგერების შეერთებით:

ზაჰესი - ზემო ავჭალის ჰიდროელექტროსადგური.

სავარჯიშო. წაიკითხეთ მაგალითები და გამოარკვიეთ, როგორია სიტყვათა შემოკლებით შეერთება დასახელებულ შემთხვევებში.

პედსასწავლებელი - პედაგოგიური სასწავლებელი

პედსაბჭო - პედაგოგიური საბჭო.

სოფლსაბჭო - სოფლის საბჭო.

რაისაბჭო - რაიონული საბჭო.

რაიმაღაზია - რაიონული მაღაზია.

აბჰესი - აბაშის პიდროელექტროსადგური.

ჟინვალჰესი - ჟინვალის ჰიდროელექტროსადგური.

უნივერმაღი - უნივერსალური მაღაზია. (ე. ი. დიდი მაღაზია, რომელშიც იყიდება მრავალგვარი საქონელი).