შემასმენლის რიცხვი ერთგვარ ქვემდებარესთან

სულიერ საგანთა სახელებით გადმოცემულ რამდენიმე ერთგვარ ქვემდებარესთან, შემასმენელი ჩვეულებრივ მრავლობით რიცხვში დგას.

ა რ ჩ ი ლ ი  და  კ ე ს ო  შ ე ბ რ უ ნ დ ნ ე ნ  ოთახში. (ჭავ.).

რ წ ყ ი ლ ი  და  ჭ ი ა ნ ჭ ვ ე ლ ა  დ ა ძ მ ო ბ ი ლ დ ნ ე ნ. (ხალხ.).

ყ ვ ა ვ ი  და  ყ ო რ ა ნ ი  დიდი ხევში ი ს ხ დ ნ ე ნ... (ვაჟა).

უსულო საგანთა სახელებით გადმოცემულ რამდენიმე ერთგვარ ქვემდებარესთან შემასმენელი ჩვეულებრივ მხოლობითში დგას (თუ მათ სულიერ საგანთა თვისება არა აქვთ მიწერილი).

ტ ყ ე, მ ი ნ დ ო რ ი  და  ვ ე ლ ი  ბ ი ბ ი ნ ე ბ დ ა. (ევდ.).

ქ ა რ ი  და  თ ო ვ ლ ჭ ყ ა პ ი  თანდათან  მ ა ტ უ ლ ო ბ დ ა (ნინ.).

ისევ  ა მ წ ვ ა ნ დ ა  მ დ ე ლ ო  და  კ ო რ დ ი. (ტაბ.).

როცა ერთგვარ ქვემდებარეებს სიმრავლის გამომხატველი სიტყვა ახლავს, ქვემდებარეებიც მხოლობით რიცხვში დაისმის და შემასმენელიც.

იქ  ბ ე ვ რ ი მსუქანი  ბ ა ტ ი  და  ი ნ დ ა უ რ ი დაგოგავს. (ვაჟა).

ბაღიდან  რ ა მ დ ე ნ ი მ ე  კ ა ც ი  და  ქ ა ლ ი  გამორბოდა. (კ. ლორთქ.).

სავარჯიშო. შემასმენელი სათანადოდ შეუწყვეთ ერთგვარ ქვემდებარეებს რიცხვში და მაგალითები ისე გადაიწერეთ. აღნიშნეთ (ზეპირად), როგორი სახელებით არის გადმოცემული ქვემდებარეები და როგორ შეეწყო მათ შემასმენელი.

1. სტუმარი და მასპინძელი გამოემშვიდობ... ერთმანეთს:

2. ერთი კაცი და ერთი დათვი დაძმობილდ... (ს. ორბ.).

3. ურიცხვი ქალი და კაცი ჭალაზე შემოეფინ... (ვაჟა).

4. მამა და შვილი შემოსული ყანის პირას იდგ... (გოგ)

5. დაბურულ ტყეში მუხა და რცხილა იდგ...

6. გზაზე უამრავი ქალი და კაცი მიდიოდ...

7. მთა და ბარი ზანზარებდ...