გიზო ნიშნიანიძე - ფინიშის სწორზე...

ფინიშის სწორზე ვარ და ვასწროებ

უსწორმასწოროებს,

ბებერი ხარის რქაცა ხნავსო, 

დაიმახსოვრეთ!

გამოვეკერე ცას, ჩათვალეთ, 

როგორც გენებოთ.

ბოლო სალმისთვის გამოვედი 

თბილისელებო!

მოგეხსენებათ:

კარგის მთქმელს უნდა კარგი

გაგებაც.

ჩემი სალამი არ ჩათვალოთ 

გამოსალმებად.

სულით და გულით მუდამ თქვენთან,

რომ ვიყო ვინძლო,

თბილისს რომ რამე წამოსტკივდეს, 

საფლავშიც ვიგრძნობ!