თემურ ჩალაბაშვილი - მთაწმინდაზე ნისლს ეძინა...

მთაწმინდაზე ნისლს ეძინა,

ქაშუეთთან ღამის ბინდი ეყარა,

გაიავდრა, - შენ გეწყინა - მტკვარს გაჰქონდა 

თბილისიდან ქვეყანა.

მთების ლანდმა მთვარე შორით გაიტაცა,

თუ მეტეხთან მიამსხვრია ტიალად,

გაგახსენდა შენი ჯვარცმა და წაქცეულს 

ტანში გაგაჟრიალა...

მერე მთვარეს ირემივით დაეძებდი,

შენი ცრემლით ცა ათასჯერ გაწვიმდა.

მთაწმინდაზე ნისლს ეძინა 

და მთვარეზე არ ფიქრობდა მთაწმინდა...