დოდო გვიშიანი - დავალ საყვარელ ქუჩებში

დავალ საყვარელ ქუჩებში და მიხარია,

წვიმას მძინარე თბილისი დაუნამია,

ეფინება ცაზე შუქი ცისფერი

მიმაცილებს მტკვარი ძველი სიმღერით.

ჩემი ნაცნობი ქუჩები ისევ მელიან,

წვიმის წვეთები მაღლიდან ჩუმად მღერიან

აქა დგას ჩემი მთაწმინდა,

აქა დგას დედა ქართლისა,

აქ ემღერება გულს.

ქუჩას გავყვები მეტეხთან მწვანე ალვებთან

და გორგასალიც მაღლიდან მომესალმება

ფრთა გაშალე ჩემო ტკბილო სიმღერავ,

სიყვარულით გული არ დაიღლება.

ჩემი ნაცნობი ქუჩები ისევ მელიან

და თბილისელი ბიჭები მესალმებიან,

ჩემი მიწა და მთა-ბარი,

ჩემი სამშობლო აქ არი,

აქ ემღერება გულს.