თამაზ ჩხენკელი - მამადავითზე

მამადავითზე ნუში აყვავდა,

ის ჩვენი წყნარი, კეთილი ნუში.

მე დამაშვრალი ისევ კარგად ვარ,

ახლა სხვა ვარ და სხვა ვიყავ გუშინ.

მოვეშურები - გიპოვო ისევ,

ვიპოვოთ ჩვენი კრიალა ქუჩა,

მოვეშურები ღიმილით პირზე

და მაინც ყველა ღრუბელზე ყუჩად.

მოვეშურები გაშლილი ნებით,

მე ახლა არ მსურს, ვიყო უშენოდ...

და თქვენაც, ჩემო ძვირფასო მთებო,

და მთაწმინდაზე მდგარო ნუშებო.