იოსებ ნონეშვილი - ჰიმნი ქუთაისს

გულმა შენთან დაიბუდა

შენს ალერსში დავიღლები

ქუჩები გაქვს სავსე მუდამ

გოგონებით ყვავილებით.

ხელგაშლილი ლაღად დგახარ

თავმომწონე მასპინძელი,

ადვილია შენი ნახვა

დავიწყება არის ძნელი.

ქუთაისო ჩვენი ქვეყნის

ჩვენი ერის ლაზათი ხარ

საქართველოს ბედნიერი

გემრიელი ქალაქი ხარ.

აქ ბაგრატის სხივი ელავს

აქ გელათი შუქში ცურავს

აქ დავითმა სულ პირველად

მკლავი გაიმამაცურა.

სულ მაისის სურნელია

საფირონი მოაქვს რიონს

შენს ქუჩებში უმღერია

აკაკის და გალაქტიონს.

შენ შეგხარით შენ გიმღერით

მართლაც ჩვენი ლაზათი ხარ

საქართველოს ბედნიერი

გემრიელი ქალაქი ხარ.