ლევან ფანცხავა - თეთრი ხიდი

თეთრი ხიდი ვეღარ უძლებს ნაბიჯების ათვლას,

თეთრი ქვები პოეზიის საღამოებს მართავს…

რიონის პირს დასეირნობს დასავლეთის ქარი, 

მე იქ მივალ, მე იქ მივალ, გვიან ღამით, მთვრალი

და მთვარესაც მოვუყვები, ანარეკლის ფონზე,

მოვუყვები სულისა და ქვის სხეულის ომზე,

თეთრ ხიდზე კი სულს გადავფენ,

ვიტყვი სიტყვას მართალს,

თეთრი ქვები პოეზიის საღამოებს მართავს…