ლილი ნუცუბიძე - ქუთაისის ქუჩები

ქუთაისის ქუჩები

სიყვარულით ვამშვენე,

თეთრი ხიდის ჯებირი

ცრემლით ამოვაშენე.

სიყვარულით ვაღამე,

სიყვარულით ვათენე,

ჩემს უბეში ეძინათ,

ციცქნა ციცინათელებს.

ქუთაისის ქუჩებში,

ყვავილების ქარია,

ჩემს სიყვარულს დარაჯობს,

ჩემი ჭიამაია.

მზე მადნება ტუჩებზე,

და სხივებს ფენს თაღებად,

ქუთაისის ქუჩებში,

ნეტავ დიდხანს მამღერა.

ქუთაისის ქუჩები

სიყვარულით ვამშვენე,

თეთრი ხიდის ჯებირი

ცრემლით ამოვაშენე.