დოდო აბაშიძე - ბათუმში

ფოთლები ქრიან ქარდაქარ,

ამინდიც ნისლიანია,

ზღვას მეწამული გადაკრავს,

გგონია სისხლიანია.

ზეცასაც ფერი მიხდია,

ჩანს ვარსკვლავები ჩამცხრალი,

თითქოსდა ქორწილს იხდიან

თოლიებს გააქვთ ტკარცალი.

ჰორიზონტს ახლავს მირაჟი,

გიგანტურ ფორმის ბოთლები,

მიყუჩებულა "პლიაჟი",

პალმებს შეუკრავთ ფოთლები.

არის მძივივით ასხმული -

შავი ზღვისპირი ქართული,

ნაპირზე წამომართული

ულამაზესი ბათუმი.