სოსო ნადირაძე - ბათუმი

კენჭებს ბათუმის გზებზე ვალაგებ,

პალმების შრიალს ბოლო არ უჩანს

და სიყვარულით სავსე ქალაქი

სანაპიროზე ცდილობს გარუჯვას...

აქ ქალთევზებმა სივრცე მონიშნეს,

სხივი მოირგეს მკერდის პირამდე,

გემიც დაიძრა ჰორიზონტისკენ,

რომ ზღვის წვეთივით გაუჩინარდეს...

გადააფრინდა თოლია ტალღას,

მის გულდიდობას არა აქვს ბოლო

და მზე მიიწევს ყველაზე მაღლა

რომ ჩიტისხელა გამოჩდეს მხოლოდ...

კენჭებს ბათუმის გზებზე ვალაგებ,

პალმების შრიალს ბოლო არ უჩანს

და სიყვარულით სავსე ქალაქი,

სანაპიროზე ცდილობს გარუჯვას...