ფეხმძიმობა
ნახატისა და ნაწერის გარჩევა
ამ მეცადინეობაზე ბავშვები შეისწავლიან სიტყვების შემდეგ დახატულ და წერით გამოსახულებებს: ხოხობი, კაკაბი, დედალი, მამალი, წიწილა.
პროცედურაც ნაცნობი მეთოდით წარიმართება. პედაგოგი ბავშვებს უჩვენებს ამ შინაური და გარეული ფრინველების სურათებს, სათითაოდ განიხილავს თითოეულ მათგანს მოსწავლეების უშუალო მონაწილეობით; გააანალიზებს სურათსა და ნაწერ გამოსახულებებს და ავარჯიშებს ბავშვებს ინდივიდუალურად და ჯგუფურად.
 |
 |
 |
 |
 |
| დედალი | კაკაბი | მამალი | წიწილა | ხოხობი |
აქ რა ხატია? - მიუთითებს ისევ პედაგოგი სურათებზე, - რა წერია ქვემოთ?
საუბრის, ყველა მათგანის გამოცნობის, შესაბამისი წარწერების ჩვენებისა და ნახატისა და ნაწერის შეჯერების შემდეგ პედაგოგი ასკვნის: დიახ, დაფაზე, ზემოთ მოთავსებულია: ხოხობის, კაკაბის, დედლის, მამლისა და წიწილას გამოსახულებები. ნახატების ქვემოთ კი, შესაბამისად, მათი წერილობითი ხატები.
ტექსტის შესწავლისა და განმტკიცების მიზნით, ბუნებრივია მასწავლებლის მიერ ჩატარდება ექვსივე პროცედურა.
