ფეხმძიმობა
2 იანვარი - 11 იანვარი. 5 ივლისი - 14 ივლისი.
სოჭი ლამაზია, თუმცა მის სილამაზეს ინდივიდუალური, მკვეთრი, მიუწვდომელი ელფერი დაჰკრავს.
კონსერვატიულია, პატივს სცემს ტრადიციებს და ცდილობს საკუთარი ცხოვრების და ჩაცმის სტილიც კი ზედმიწევნით ტრადიცების შესაბამისი იყოს.
გააჩნია საკუთარი, ინდივიდუალური სტილი, ძნელად ექვემდებარება სხვების ზეგავლენას. თითქმის არასდროს არ ცვლის კარდინალურად ერთხელ მიღებულ გადაწყვეტილებას, შეიძლება მხოლოდ კორექტივები შეიტანოს მასში, გაუმჯობესების და სრულყოფის მიზნით.
ყოველთვის დარწმუნებულია საკუთარ პოზიციებში, ნებისმიერ სიტუაციაში ინარჩუნებს ოპტიმიზმს. თუ იგრძნო პერსპექტივა, ვერაფრით ეგუება უკვე არსებულ მდგომარეობას.
იზიდავს მაღალი სიმაღლეები, ასკეტურია, ძალიან მომთხოვნი და ურჩევნია მაღალი დონის მოთხოვნები დაიკმაყოფილოს, ვიდრე ყოველდღიური, წვრილმანი სიამოვნებები. იგი მათზე მაღლა დგას.
ხშირად გრძნობს თავს მარტო, მიუხედავად იმისა, რომ ჰყავს დიდი რაოდენობით ნაცნობ–მეგობრების წრე. არ უყვარს სახალხოდ თავის წარმოჩენა და საკუთარ პოზიციებზე საუბარი და მათი დაცვა.
თავშეკავებულია, კულტურული, ამაყი. არ ცდილობს საკუთარი კეთილგანწყობის დემონსტრირებას და სხვების მოხიბვლას. თავის საუკეთესო თვისებებს უჩვენებს მხოლოდ მათ, ვინც ღირსეულია და შეუძლია ეს დაინახოს.
ძალიან ჭკვიანია, ემოციური, იცის რა არის ჭეშმარიტი გრძნობა, თუმცა მაინცდამაინც არ ახასიათებს გრძნობების აყოლა, მითუმეტეს მაშინ, თუ იცის, რომ ამან შესაძლოა ის საქმე დააზარალოს, რითაც არის დაკავებული.
საქმის მიმართ ერთგულია, ყოველთვის მაქსიმალურად შრომობს და იხარჯება, ცდილობს მოძებნოს იდეალური გადაწყვეტილება ნებისმიერი, თუნდაც უმნიშვნელო პრობლემის მიმართაც კი. თუმცა მიუხედავად ამისა ყოველთვის ვერ აღწევს წარმატებებს.
არ ეძებს ცხოვრებაში იოლ გზებს, და მარტივ გადაწყვეტილებებს. ამაში მას ეხმარება გონიერება, ანალიტიკური აზროვნება და მეცნიერებისადმი მიდრეკილება, აგრეთვე განსჯისა და ყოველმხრივი ანალიზის უნარი.
სასიყვარულო ურთიერთობებში თავისებურია, პატიოსანი, მოწესრიგებული, მასზე დაყრდნობა შეიძლება, საჭიროების შემთხვევაში პარტნიორის მიმართ მსხვერპლის გაღებაც შეუძლია, თუმცა ჭირვეულია, სიტყვაძუნწი, მომთხოვნი და საკუთარ თავში ჩაკეტილი. აქვს მაღალი მოთხოვნილებები საყვარელი ადამიანის მიმართ.
ყველა ამ თვისებიდან გამომდინარე, მიუხედავად იმისა, რომ მომენტებში თავგანწირული სიყვარულიც შეუძლია, მასთან ურთიერთობა, და მითუმეტეს თანაცხოვრება არ არის მარტივი.
