ნაზი კილასონია - მინდა მახსოვდე...

მინდა მახსოვდე ყველგან, ყველა დროს,

შენზე ოცნება მინდა ურიცხვი,

ვერ შეგიყვარე მაინც ვერასდროს,

ვერ გაგიმეტე სიყვარულისთვის...

რად ჩამრჩა ხსოვნაში ისევე

სხვა ფერით, სხვა იდუმალებით:

ბავშვურად გაწვდილი კისერი

და შველის დაღლილი თვალები.

შენ ისე კარგი ხარ: სხვისთვის მენანები,

ნათელი ოცნება ღრუბელმა შენისლა…

აღარ შემიყვარდე: დახუჭე თვალები

კაცისა კი არა - დამფრთხალი შველისა.