ნაზი კილასონია - მონადირე

ტაბაწყურს წავლენ მონადირენი, 

რომ თოფის კვამლი ზეცას უჩვენონ, 

ვაითუ შეგხვდეს სოკო-ირემი 

და ნაკვერცხალზე შესწვა უჩემოდ.

ტაბაწყურს წავლენ მონადირენი, 

რომ ტბას ახალონ ფრთები იხვებმა. 

ლერწამის ჩრდილი წყალში ირევა... 

ლერწამის ჩრდილი ტბებში ირხევა...

თოფსაც იფერებ, რიხსაც იფერებ, 

და მაინც დარდმა გაგაგულისა: 

რომ არ მოგიკლავს ჯერ არაფერი 

ამ ქვეყნად გარდა ჩემი გულისა.