კოტე კაკიტაძე - წვიმის შემოქმედება

ისევ მესმის წვიმის წვეთთა ჭორები

და ამბები უსირცხვილო ღრუბელთა.

ახლა მივხვდი, თუკი შველის მიხვედრა,

რა ყოფილა ამმღვრეველი გუბეთა.

ჩაწკაპუნდა ამ ცისა თუ იმ ცისა,

მოუპარავს ლეგას რუხის ნაზრახი..

უხსნის თეთრებს, ღრუბელთ ფიქრთა გამრიგეთ,

არ უქნია თითქოს ცუდი განზრახვით.

ედავება საწვეთელთან წვეთი წვეთს,

ფიქრებს ღრუბელთ ნაფიქრალიც ედება...

მიათმაგებს შენთან ყოფნის საფუძველს

ჭირვეული წვიმის შემოქმედება.