იაკობ გოგებაშვილი - ცრუპენტელა

ბავშვი ცხვრებს აძოვებდა. ვითომ მგელი დაინახა, დაიწყო ყვირილი: მიშველეთ მგელიო.

გლეხები გაიქცნენ, ნახეს ტყუილი იყო.

ასე მოატყუა მეორედ და მესამედ.

მეოთხედ მგელი მართლა მოვიდა.

ბავშვმა მორთო ყვირილი: არიქა, მიშველეთ, მგელიო.

გლეხებს ეგონათ, კიდევ გვატყუებსო და ყურიც არ ათხოვეს.

მგელი უშიშრად დაერია ფარას და დიდი ზიანი მიაყენა.

* * * * * * *

ანდაზა: "ტყუილს მოკლე ფეხები აქვსო."

იაკობ გოგებაშვილი - მოთხრობები