ალეკო შენგელია - ახალი წელი დაგვიდგა!

რა კარგი თოვლი მოსულა,

გათეთრებულა მთა-ველი,

ვნავარდობთ, ვმღერით, ვიცინით,

ბევრი გვაქვს გასახარელი!

რა კარგი თოვლი მოსულა,

ციგები, აბა, ციგები!

თოვლის ბაბუა გვალაღებს,

ვთამაშობთ და არ ვიღლებით.

მივდივართ, თან მოგვყვებიან

ციყვი, დათვი და მელია

კურდღლებიც ჩვენთან არიან...

ხედავთ? ახალი წელია!

ნაძვები დათოვლილები,

თავს დაგვიხრიან კრძალვითა;

- ბავშვებო, ცუგრუმელებო,

ჰა, ძველი წელიც წავიდა!

ახალი წელი დაგვიდგა,

წმინდა ვით თოვლის ფანტელი,

გილოცავთ ახალ წელიწადს,

გმოსავდეთ მისი ნათელი.