წერილის გაგზავნა!
თემატიკა
ქალბატონებს მამაკაცებს ბავშვთა სამყარო ლიტერატურა ჯანმრთელობა ფსიქოლოგია სექსი ბიზნესი შოპინგი მოდა ეტიკეტი რელიგია შეუცნობელი ავტო+ ენციკლოპედიები საიტის შესახებ
 
 
 
 




—  —  —  —  —  —  —  —  —  —

პოეზია
პოეზია - ცნობილი ავტორები



—  —  —  —  —  —  —  —  — 

საათები
საათების ონლაინ მაღაზია

—  —  —  —  —  —  —  —  —  —

ფული ინტერნეტით
ფული ინტერნეტით

—  —  —  —  —  —  —  —  —  —

თაფლის შესახებ
თაფლი - ყველაფერი თაფლის შესახებ

—  —  —  —  —  —  —  —  —  —

ვებ კატალოგი
ვებ კატალოგი - Aura.Ge

—  —  —  —  —  —  —  —  —  —

 
  ნანახია 55998 - ჯერ |  
შრიფტის ზომა

 

 

 

მომავალი დედა

 

ფეხმძიმობის მე -6 კვირა

ორსული ქალების ნახევარზე მეტს ამ პერიოდში ნაადრევი ტოქსიკოზი აღენიშნება.

ამის მიზეზია ის, რომ ორგანიზმში კვლავ მიმდინარეობს ჰორმონალური გარდაქმნები, რომელიც უზრუნველყოფს ნაყოფის განვითარებისათვის საუკეთესო პირობებს.

ასე რომ ნუ შეგეშინდებათ, მითუმეტეს რომ თქვენი პატარა შეიძლება ბიჭი იყოს, ამ დროს ხდება ჰორმონალური ფონის სპეციალური შეთავსება თქვენი მომავალი ბავშვის სქესთან, რაც ძალიან მნიშვნელოვანი პროცესია.

მეექვსე კვირაში, თქვენ უკვე შეამჩნევთ გარკვეულ ცვლილებებს საკუთარ ორგანიზში. შეიძლება ცოტათი მოიმატოთ, ხოლო თუ ტოქსიკოზი გაქვთ და ცოტას ჭამთ - დაიკლოთ კიდეც.

ასეთ დროს ხშირად აღინიშნება მომეტებული ნერწყვის გამოყოფა. შეიძლება თქვენი კანი მშრალი გახდეს, აიქერცლოს ან ლაქებით დაიფაროს ესეც თანმდევი მოვლენებია და ნუ აღელდებით.

თუ ორსულობა ნორმალურად, გართულებების გარეშე მიმდინარეობს, ხშირად ექიმები მაინც გთხოვენ ხოლმე გამოკვლევას ინფექციაზე, რომელიც შეიძლება სქესობრივი გზითაც გადავიდეს და ჩუმად მიმდინარეობდეს, ყოველგვარი ნიშნების გარეშე, რაც წარმოუდგენლად საშიშია ნაყოფის ჯანმრთელობისთვის. იხილეთ:

ორსულობა და სექსი (კომპლექსური სახელმძღვანელო)

ასე რომ, ეს გამოკვლევა უაღრესად მნიშვნელოვანია, რათა ნებისმიერი ინფექციის არსებობა დროულად იქნეს გამოვლენილი და ექიმს საშუალება მიეცეს მის წინააღმდეგ ეფექტური ზომები გაატაროს.

ამ პერიოდში ხშირია ორსულებში ისეთი სიმპტომები, რომელიც განსაკუთრებულ ყურადღებას მოითხოვს:

 

შეკრულობა

 

ფეხმძიმობა და შეკრულობაფეხმძიმობის დროს, კუჭნაწლავის მოქმედება გარკვეულწილად იცვლება ხოლმე და ქალების უმრავლესობა ამ პერიოდში ხშირად უჩივის შეკრულობას. საკმაოდ გავრცელებულია ასეთ დროს (ჰემოროის) ბუასილის ჩამოყალიბება.

შეკრულობის მიზეზი ფეხმძიმობის დროს შეიძლება იყოს:

»  არასწორი კვება.

»  უმოძრაობა (ჰიპოდინამია)

»  ფეხმძიმობის ფიზიოლოგიური მიზეზები

სავსე სწორი ნაწლავი აწვება საშვილოსნოს, რაც არასასურველია, ამიტომ ეცადეთ კუჭის მოქმედება ყოველდღე გქონდეთ. ამას კარგად ეხმარება უზმოზე ერთი ჭიქა წყალი (სასურველია ყლუპებად), ან ძილის წინ ერთი ჭიქა მაწონი.

იმისათვის რომ შეკრულობა თავიდან აიცილოთ, შეეცადეთ მიიღოთ რაც შეიძლება მეტი სითხე. დაგეხმარებათ ასევე ფიზიკური ვარჯიშები.

კარგია მსუბუქი სახის სასაქმებელი საშუალებები, მაგალითად მაგნიუმის შემცველი რძე და შავი ქლიავის წვენი. ზოგიერთი საკვები, როგორიცაა ბრინჯისა და ხორბლის ფაფა სასარგებლოა, თან შეგიმსუბუქებთ შეკრულობის სიმძიმეს. კარგია წყალში მოხარშული ჰერკულესის ფაფაც, რომელსაც კარაქი და თაფლი აქვს დამატებული. განსაკუთრებით შედეგიანია (გემრიელიც) თუ მას დილით ადრე მიირთმევთ.

ნუ მიიღებთ სხვა უფრო ძლიერ სასაქმებელ საშუალებას, ან ნუ გაიკეთებთ ოყნას (მან შეიძლება საშვილოსნოს ტონუსის ამაღლება გამოიწვიოს), თქვენს ექიმთან კონსულტაციის გარეშე. თუ შეკრულობა საკუთარი ძალებით ვერ დაამარცხეთ და ამჩნევთ, რომ იგი უფრო გაგირთულდათ, აუცილებლად მიმართეთ მას ამ პრობლემის მოსაგვარებლად.

იხილეთ ვრცლად: შეკრულობა

 

გულძმარვა

 

ფეხმძიმობა და გულძმარვაგულძმარვა და კუჭის წვა ერთ - ერთი საკმაოდ ხშირი გამოვლინებაა ფეხმძიმობის დროს, რომელიც დისკომფორტს უქმნის ქალბატონებს.

მისი გამომწვევი მიზეზი (თუ სხვა დროს არ გაწუხებდათ) ისევ და ისევ ჰორმონებია, ასევე მოქმედებს კუჭ - ნაწლავში მიმდინარე პროცესებზეც.

სარქველი, რომელიც განთავსებულია კუჭსა და საყლაპავ მილს შორის, ჰორმონ პროგესტერონის დონის მომატების შედეგად დუნდება და მასში მჟავიანობის დონე მატულობს. ასევე მისი მიზეზი შეიძლება იყოს საშვილოსნოს გაფართოება ზემოთ, მუცლის არისკენ და მისი კუჭზე დაწოლა.

ბევრ ქალბატონს არც თუ ისე ძლიერი გულძმარვა აღენიშნება. მისი გამკლავება შეიძლება, თუ გაითვალისწინებთ ამ მარტივ რჩევებს.

 მოერიდეთ დიდი რაოდენობით საკვების მიღებას, განსაკუთრებით შემწვარ და ცხარე საკვებს. მიიღეთ საკვები ხშირად და პატარა პორციებით და იმ რაოდენობით, რომ კუჭის წვა არ გამოიწვიოს. თუმცა გადაჭარბება აქაც არ შეიძლება, მაგალითად თუ ამჩნევთ, რომ შოკოლადი არ იწვევს კუჭის წვას, არავითარ შემთხვევაში არ მიიღოთ იგი ყოველი საკვების მიღების დროს. და საერთოდ, ეცადეთ თქვენი რაციონიდან ამოიღოთ ისეთი პროდუქტები, რომელიც უარყოფითად მოქმედებს თქვენზე და დაამატოთ ისეთი, რომელიც საჭიროა თქვენი მომავალი პატარას განვითარებისათვის.

მოერიდეთ ზოგიერთ პოზას, მაგალითად ნუ დაიხრებით ძალიან დაბლა და ნუ დაწვებით ჰორიზონტალურ მდგომარეობაში. ყველაზე მოკლე გზა კუჭის წვისკენ დიდი რაოდენობით საკვების მიღება და შემდეგ მდივანზე წამოწოლაა.

თუ გულძმარვა ღამით გემართებათ, დალიეთ ძილის წინ ერთი ჭიქა რძე და დაიძინეთ მაღალ სასთუმალზე.

თუ მიუხედავად ამისა გულძმარვა მაინც შეგაწუხებთ, შეიძლება შვება მოგცეთ საშუალებებმა (მედიკამენტებმა), რომელიც ანეიტრალებს მჟავის მოქმედებას. თუმცა მათმა გადამეტებულმა დოზამ, შეიძლება სხვა პრობლემები შეგიქმნათ, ამიტომ ნუ მიიღებთ მას თქვენს ექიმთან შეუთანხმებლად და ყურადღებით გაეცანით თითოეული მედიკამენტის ინსტრუქციას.

მოერიდეთ სოდის ბიკარბონატის მიღებას, რადგან მისმა გადამეტებულმა დოზამ შეიძლება შარდის შეკავება გამოიწვიოს

იხილეთ ვრცლად - გულძმარვა

 

გენიტალური ჰერპესი

 

გენიტალური ჰერპესიჩვეულებრივ, ორსულობის დროს შეიძლება ჰერპესის მხოლოდ რეციდივი გამოვლინდეს. ფეხმძიმობის ადრეულ სტადიაში მისი გამოვლენა შეიძლება თვითნებური აბორტის, უფრო იშვიათად კი ნაყოფის თანდაყოლილი ნაკლის გამომწვევი მიზეზი გახდეს.

უფრო გვიან სტადიაში მისმა გამოვლენამ კი შეიძლება ნაადრევი მშობიარობა და დღენაკლული ბავშვის დაბადება გამოიწვიოს.

არსებობს ყველა საფუძველი იმისა, რომ ბავშვი დაინფიცირდეს სამშობიარო გზების გავლის მომენტში. ამიტომ შეიძლება საკეისრო კვეთის დანიშვნა გახდეს აუცილებელი. სიკვდილიანობის მაჩვენებელი ჰერპესით დაავადებულ ახალშობილებს შორის 50%-ს შეადგენს.

გენიტალური ჰერპასი ვერაგი დაავადებაა, მისი განადგურება პრაქტიკულად შეუძლებელია. იგი განსაკუთრებით საშიშია ფეხმძიმობის გვიან პერიოდში, მაგრამ ნებისმიერ შემთხვევაში აუცილებელია თავიდანვე იყოთ ფრთხილად და იმყოფებოდეთ ექიმის მუდმივი მეთვალყურეობის ქვეშ.

ჰერპესის შემთხვევაში იგი აუცილებლად დაგინიშნავთ ანტივირუსული პრეპარატებით მკურნალობას, რომელიც მიიღება შინაგანად და განსაკუთრებულად ეფექტური საშუალებაა ჰერპესის წინააღმდეგ.

აუცილებელია ექიმმა მუდმივად აკონტროლოს თქვენი და თქვენი მომავალი პატარას ჯანმრთელობა.

 

კანდიდოზური ვულვოვაგინიტი (საშოს ანთება)

 

კანდიდოზური ვულვოვაგინიტი (საშოს ანთება)საკმაოდ ხშირი მოვლენაა ორსულებში. მართალია ინფიცირების ეს სახე ძლიერ ნეგატიურ ზემოქმედებას არ ახდენს ფეხმძიმობაზე, მაგრამ იწვევს დისკომფორტს და შეშფოთებას.

მისი მკურნალობა ფეხმძიმობის მიმდინარეობის პროცესში რთულია. მკურნალობამ შეიძლება მოითხოვოს რამოდენიმე მოკლე (3-7 დღე), ან ერთი გრძელი (10-14 დღე) სეანსი. მის სამკურნალოდ გამოყენებული მალამოები აბსოლიტურად უვნებელია. პარტნიორის მკურნალობაც ამ დროს არ არის აუცილებელი.

ახალდაბადებული ბავშვი, რომელიც გაივლის სამშობიარო არხებს, შეიძლება დაინფიცირდეს კანდიდოზური სტომატიტით (პირის ღრუს რძიანა).

პირის ღრუს რძიანა, ისევე როგორც კანდიდოზური ვულვოვაგინიტი ადვილად იკურნება, მაგრამ ამ შემთხვევაშიც აუცილებელია თქვენი ექიმის კონსულტაცია, რომელიც პრობლემის მოგვარებაში დაგეხმარებათ და ეფექტურ მკურნალობას დაგინიშნავთ.

 

ტრიხომონალური ვაგინიტი

 

ტრიხომონალური ვაგინიტიმართალია ტრიხომონალური ვაგინატი არ ახდენს სერიოზულ ზემოქმედებას ფეხმძიმობაზე, თუმცა მისი მკურნალობა შასაძლოა გართულდეს.

ამის მიზეზია ის, რომ პრეპარატები (მაგალითად მეტრონიდაზოლი), რომელიც ეფექტურია მის სამკურნალოდ, არ არის რეკომენდებული ფეხმძიმობის პირველ ტრიმესტრში.

ასევე დღემდე საკამათოა ამ პრეპარატების გამოყენება ფეხმძიმობის შემდგომ პერიოდშიც.

 

კონდილომა

 

კონდილომაამ დაავადებას, რომელიც წარმოადგენს გარე სასქესო ორგანოებზე მეჭეჭისმაგვარ წამონაზარდს, მახვილწვეტიან კონდილომასაც უწოდებენ. თუ მას დროულად არ მიაქცევთ ყურადღებას, შეიძლება საკეისრო კვეთა გახდეს აუცილებელი.

კონდილიმას მკურნალობის რამოდენიმე მეთოდი არსებობს, სპეციალური ბასრი კოვზით მოფხეკა, ელექტროკოაგულაცია, ჩვეულებრივი ან ლაზერული ქირურგია.

კონდილომას ფაქტები საკმაოდ ხშირია ფეხმძიმობის დროს. რაც შეეხება შეიძლება თუ არა გადაედოს იგი ბავშვს: - თუ ვირუსი სისხლშია, შეიძლება სისხლით გადავიდეს ახალშობილზე, თუ არა, არსებობს რისკი, ახალშობილი სამშობიარო არხის გავლის შემდეგ დაინფიცირდეს, ჩაყლაპოს რა სითხე მშობიარობის პროცესში.

ნებისმიერ შემთხვევაში საკეისრო კვეთა არის იმის გარანტია, რომ ბავშვი სუფთა დაიბადება და არ იქნება დაინფიცირებული პაპილომა ვირუსით.

ძირითადად, კონდილომას ფეხმძიმობის პერიოდში არ ეხებიან (განსაკუთრებული შემთხვევების გარდა, როცა წამონაზარდები ძალიან დიდია) ფეხმძიმობის შემდეგ ის შეიძლება თავისთავად გაქრეს (ძალიან იშვიათ შემთხვევაში), თუ არადა მისი მოცილების ზემოთ ჩამოთვლილი მეთოდებით შეიძლება.

პაპილომა ვირუსის სხვა გამოვლინების - მეჭეჭებისგან გამსხვავებით, რომლებიც თავისთავად ქრება მშობიარობის შემდეგ გარკვეული დროის განმავლობაში, კონდილომები თავისთავად პრაქტიკულად არ ქრებიან.

ფეხმძიმობის დროს კონდილომების მკურნალობა საჭირო და აუცილებელია, თუმცა სასურველია ეს მოხდეს ფეხმძიმობის საწყის ეტაპზე, გარკვეული სიფრთხილის დაცვით. ამიტომ ამ დროს ლაზერული და ელექტრო ზემოქმედება, აგრეთვე ციტოსტატიკური პრეპარატების გამოყენება დაუშვებელია.

ნებისმიერ შემთხვევაში ეს საკითხი მიანდეთ თქვენს გინეკოლოგს და მის გარეშე ნუ გადადგამთ ერთ ნაბიჯსაც კი.

 

გონორეა

 

გონორეაქალი გონორეით შეიძლება ნებისმიერ დროს დაავადდეს. ეს დაავადება საშიშია ქალისთვის, მისი პარტნიორისთვის და ნაყოფისთვის, რომელმაც საშვილოსნოს ყელი უნდა გაიაროს.

ბავშვს ემართება თანდაყოლილი გონორეული ოფთალმია (თვალის ანთება), ამიტომ ახალშობილს დაბადებისთანავე ესაჭიროება თვალის წვეთები.

გონერეა ახალშობილებში შესაძლოა სხვა დაავადებების გამომწვევი მიზეზიც გახდეს.

გონორეული ინფექციები ადვილად იკურნება პენიცილინითა და სხვა მსგავსი მედიკამენტებით, რომელიც უვნებელია ორსულობის პერიოდში მისაღებად.

 

მომავალი ბავშვი

 

ფეხმძიმობის მე -6 კვირაფეხმძიმობის მეექვსე კვირაში თქვენი მომავალი პატარას ზრდის ტემპი უფრო შესამჩნევი ხდება. იწყებს ფორმირებას პაწაწინა ყურები, ცხვირი, პირის მოხაზულობაც შესამჩნევი ხდება.

ასევე შესამჩნევი ხდება ხელების და ფეხების ჩანასახები. ის უკვე ახერხებს თავის შებრუნებას და თქვენდა შეუმჩნევლად შეუძლია შეინძრეს კიდეც. მეექვსე კვირას ხდება სასქესო ჯირკვლების გამოკვეთა - ქალის იქნება ის თუ მამაკაცის.

თქვენი პატარას სიმაღლე ამ პერიოდში 2 - დან 6 მმ - მდეა.

ამ პერიოდში პატარას თავს გააჩნია უკვე ფორმირებული ცხვირის ნესტოები და თვალები, რომელიც ერთი შეხედვით ისე ჩანს, როგორც მუქი წერტილები.

მეექვსე კვირის ბოლოს მას უკვე გააჩნია პაწაწინა და მოკლე, მაგრამ მაინც ხელები, რომელიც შეუძლია ამოძრაოს კიდეც.

ამ პერიოდშივე იწყებს ფორმირებას ჭიპლარი, რომლის ჩანასახის ფორმირება ჯერ კიდევ მეხუთე კვირაში მოხდა.

სანაყოფე ბუშტი ფეხმძიმობის მეექვსე კვირაში უკვე საკმარისად ფართო ხდება იმისთვის, რომ ემბრიონმა იმოძრაოს და იცუროს ამნიოტურ სითხეში. ის იქ თავს მით უფრო შესანიშნავად გრძნობს, რაც უფრო თავს უვლის და სწორად იკვებება მისი დედა.

პაწაწინას გული უკვე აქტიურად მუშაობს, გულისცემის რითმი ამ დროს შეადგენს 100 დარტყმაზე მეტს წუთში. მაქსიმალურად ითვლება 160 დარტყმა წუთში. პატარას სხეულში უკვე მოძრაობს სისხლი და იგი საკუთარი ცხოვრებით ცხოვრობს.

 

ორსულობის კალენდარი
ყველაფერი ორსულობის შესახებ
ყველაფერი მომავალი დედებისთვის ონლაინ მაღაზიაში MyWish.ge
საორსულე და საბავშვო ონლაინ მაღაზია MyWish.Ge - Aura.Ge

 
 
 

უკან

კომენტარები
თეონა
2019-08-28
გამარჯობათ,ვარ 6 კვირის ორსული და ნაყოფის ზომა 5 კვორის არის შეიძლება დაძლიოს და გაიზარდოს?პულსი 140 ის ფარგლებში აქვს.გმადლობთ გთხოვთ მიპასუხოთ.
Shorena
2019-08-18
Gamarjoba.15 agvistos viyavi eqimtan vaginaluri exoskopia gamiketa da ragagacs tertilivi vxedavo sheizleba orsuloba ROM iyos
თამარი
2019-06-12
გამარჯობათ, ეხლა აღმოვაჩინე რომ ვარ ორსულად, დაახლოებით 5 კვირის. ძალიან ვნერვიულობ რადგან ალერგიის გამო ბევრი ანტიჰისტამინი მაქვს მიღებული ძლიერი ალერგიის გამო და რამდენად საშიშია ნაყოფისთვის მაინტერესებს
დიანა
2019-05-31
გოგოებო 6კვირის ვარ და ვიყავიეხოზე გულისცემა ძალიან კარგად ისმის უკე.კარგი აპარატით 5კვირაზე უნდა ისმოდეს უკვე გულისცემა
თამთა
2019-05-09
გამარჯობა გოგოებო,შეიძლება რომ ორსულობის მეექვსე კვირაში ვიყო და ტესტმა არ აჩვენოს დადებითი პასუხი? თუ გქონიათ ვინმეს ასეთი შემთხვევა? მადლობა
თამთა
2019-05-09
გამარჯობათ გოგოებო თუ გქონიათ შემთხვევა ტესტმა არ აჩვენოს მეექვსე კვირაში დადებითი პასუხი და ორსულად იყოთ?
ლიკა
2019-05-07
გამარჯობად გოგოებო გტხივტ მიპასუხოდ 5კვ ვარ არისმის ბავსჰვის გულისცემა.რატომ? მაინტერესებს.
ქრისტი
2019-02-22
გამარჯობათ 6 კვირის ორსული ვარ..გემატომა მქონდა და ჩამოვიდა..ბავშVი ვითAრდება მაგრამ გულისცემა არ აქვს..მეუბნებიან რომ უნდა მოვიცილო თU რამოდენიმე დღეში არ იქნება გულისცემა..რამდენად ნორმალური რომ 6 კვირის მაყოფს არააქვს გულის ცემა
მარიამი
2019-01-17
გამრჯობათ,ვარ 5 კვირა დაიწყო უკვე ,მქონდა 3 დგიანი ჩამონადენი დამინიშნა წამლები გამიარა, გუშინ გადამიგო და ნაყოფი ადგილზე არისო უბრალოდ გულისცემა არ ისმის ჯერ ,რომელი კვირიდან უნდა ისმოდეს გულისცემა
ნანა
2019-01-03
გამარჯობათ! ვარ 6 კვირის ორსული და აღმომაჩნდა სოკო ანთება და დუგლასის ფოსოში სითხე. მკურნალობას ვიწყებ და ხომ არ გამოიწვევს ეს მკურნალობა ნაყოფის შეწყვეტას ან მის დამახინჯებას. მინდა დამამშვიდოთ
თამო
2018-12-26
გამარჯობათ,მეც 5კვირის ფეხმძიმე ვარ და გულის ცემა შენელებულათ ისმოდა,3დღეში კიდევ დამიბარეს გადასამოწმებელათ.საშიშია?
ქეთი
2018-11-05
გამარჯობა დაახლოებიტ 16 კვირის ორსული ვარ ჯანმრთელობა არ მიწყობს ხელს ორსულობაში მაინტერესებს აბორტის გაკეთება თუ შეიძლება და ნაროზის გარეშე თუ არის შესაძლებელი
natiaa
2018-10-30
გამარჯობათ 6 კვირის ორსული ვარ და ბავშვის გულის ცემა არისმის ...წინათ როვიყავი აპარატმა 4 5 კვირა დააფიქსირა ახლა 6 კვირა და ბავშვი ვითარდება გულისცემა არისმის...ვინმეს თუ გქონიათ ეგრე??
მ.ნ
2018-08-20
ნინო რაც შეეხება თქვენ ორსულობას თუ მაგას მესტრუალური ციკლიდან გითვლიან მაშინ რათქმაუნდა იქნება შეუთავსებლობა. მაგ დროს საჭიროა მიაკითხო კარგ ეხოსკოპისტს და კარგ რეპროდუქროლოგს. რომ დაგნიშნოს ისეთი წამლები როელიც გაზრდის თქვენ პარკს. სად დადიხართ ვისთან სა რა დაგინიშნათ?
მ.ნ
2018-08-20
ეკა მოგესალმები კიდევ ერთხელ, ძალიან დიდხანს ნუ გაწელავ მაინც.მაგალითად მიდი გაგუაში გენრიეტა გაგოშიძესთან. მე 4კვირას უკვე მოისმინა ჩემი გულის ცემა, მე ორჯერ მაქვს მუცელი მოშლილი:( ეხლა მეც 6 კვირის ვარ :) და კიდევ რაც შეეხება ფოლიუმს ნახე ის მეორე წამალიც შეიძლება შეიცავდეს და მაგიტომ გაქვს პატარა დოზა დანიშნული. ეესით 800 ი უნდა მიიგო დღეში. ანუ შენი 5 ნიშნავს 500 :)
eka
2018-08-17
gamarjoba nino maset mdgomareobashvi ar vyopilvar magrag girchev did exoze waxvide da iq upro kargad gaigeb yvelapers vakeshi wadi iunonashi iq magali donis aparatura aqvt da iq gaigeben yvekavers. me 6 kviris orsuli var da gulis cema ar ismis bavshvis ara da nayopi izrdeba da mec mand unda wavide ramodenime dgeshi.nu nerviulobt dawynardit.
Ninoo
2018-08-17
Gamarjobat gogoebo chemi exos pasuxi esetia 5 mlim3ntiaan sanayope parkshi eti embrioni guliscemac movismine vaginalurad.magram sadgac8 kviris unda viyo da 4 5 var arc me ki gviani evulucia maqvs magram sheutavsebeli damiweres da kotroli.vinme yopilxart ase sashishiaa gtxovt mipasuxot.
eka revazishvili
2018-08-16
foliumis mjavas mec vsvav magram 5 miligramians da dgeshi ramdenjer unda davlio me mitxta eqimma rom dgrshi ertxel unda damelia da kidev magne B6 gamomiwera da dgeshi vsvav or or abs dgeshi orjer da ramdenad sasargebloa an ramdenjer unda vsva dgeshi an ramdeni abi. gtxovt mipasuxot orive kitxvaze.
eka revazishvili
2018-08-16
ki vicdi tan imit viwynareb guls rom chveulebrivad guneboba maqvs da gebinebebi.2 kvira mainc davicdi rom upro kargad gaizardos nayopi da mere wavide aranairi chivilebi ar mawuxebs tavs kargad vgrznob.
მ.ნ
2018-08-16
მაკა მოგესალმები, ფოლიუმის მჟავას საერთოდ ორსულობამდეც იწყებენ სამი თვით ადრე. და თუ მაბამდე არ დაგიწყია დროა დაიწყო მე12 კვირამდე. საერთოდ 800მგლ უნდა მიიღო დღეში:) მე მაგალითად 400 იანს ვსვავ და კიდე რაღაც წამალს რომელშიც კიდე 400 შედის. მოკლედ ფოლიუმის მჟავა ისეთი რაღაცაა თვალდახუჭულმაც უნდა
დალიო. დილით ჭ.შემდეგ:)წარმატებები
 
 
 
 
გააკეთეთ კომენტარი
 
 
 
  • რეკლამა
  • ჰორო
  • ტესტები
Загрузка...

 

 

ორსულობის კალენდარი
1 2 3 4 5
6 7 8 9 10
11 12 13 14 15
16 17 18 19 20
21 22 23 24 25
26 27 28 29 30
31 32 33 34 35
36 37 38 39 40

—  —  —  —  —  —  —  —  —  —  —

ღალატის შესახებ...
ყველაფერი ღალატის შესახებ

—  —  —  —  —  —  —  —  —  —  —

როგორ გავიზარდოთ?
როგორ გავიზარდოთ სიმაღლეში

—  —  —  —  —  —  —  —  —  —  —

როგორ ავირჩიოთ საყოფაცხოვრებო ტექნიკა

—  —  —  —  —  —  —  —  —  —  —

სწრაფი სესხები

—  —  —  —  —  —  —  —  —  —  —

სექსის ენციკლოპედია

—  —  —  —  —  —  —  —  —  —  —

თალიზი - Aura.Ge

—  —  —  —  —  —  —  —  —  —  —

როგორ დავაგროვოთ ბიტკოინები

—  —  —  —  —  —  —  —  —  —  —